RESTAURANTE CERRAO
La Revista La Sidra lleva tres años entamando un Salón Internacional p'asoleyar les Sidres de Gala. Podríamos nomar "sidres de gala" a toles sidres que nun s'escancian, y van dende les sidres de nueva espresión, pasiando poles sidres de mesa, brut, xelu, espumoses ... Una nueva espresión de beber sidra que pocu a pocu va afitándose n'Asturies, y tamién, fuera'l país.
Por mor d'esti Salón, organízase tolos años una Cena de Gala onde s'entreguen los Premios a les meyores sidres dientro cada estaya. Una cena que cunta con delles autoridaes del Principado, del Conceyu Xixón (que ye onde se cellebra esti eventu) y con too'l ensame del mundu sidreru: llagareros, productores, distribuidores, sidreríes ... Amás, cunta con dellos llagareros d'otres partes del mundiu (irlandeses, bretones, ingleses, vascos, escoceses ...) que vienen presentar les sos maneres d'entender y facer la sidre al país con mayor producción y consumu sidreru del mundiu: Asturies. Por exemplu, a mí tocome compartir mesa con un llagareru irlandés, colos llagareros de Viuda d'Angelón, un profesor de la Universidá d'Enoloxia de La Rioja ...)
La cena d'esti añu foi na Salgar, un conocío ya d'esti blogue, y amás, fecha por Nacho Manzano, propietariu de Casa Marcial y La Salgar. Con 2 estrelles Michelín y 2 Soles Repsol. La cena maridábase con 20 sidres distintes pa dir prebando entre los distintos platos.
Por mor de la formalidá de la cena, nun pudi facer munches semeyes, asina qu'apurro les de la propia organización que fizo esi gran fotógrafu que ye Xurde Margaride.
Centrándonos nel Menú y les Sidres
Brindis.- Sidra Brut Nature Guzman Riestra (Llagar Riestra)
Aperitivu 1: Consomé de seronda (setes, calabaza, mazana y castañes)
Anchoes d’El Cantábricu con verdures asaes a la lleña.
Mayador Rosé (Llagar Mayador) / El Gaitero sin (Llagar El Gaitero) / Tercio El Gaitero (Llagar El Gaitero)
Aperitivu 2: Crema de quesos asturianos con contrastes y velu dulce.
Tortu maiz con revueltu la casa (quesu, cebolla confitao y güevu).
Natural El Gaitero (Llagar El Gaitero) / Zapica (Llagar Buznego) / Double L Real Cider Katy 2011 Dry Reserve (David Llewellyn)
Aperitivu 3: Llampares con crema de sidre, ocle y pataca.
Croquetes especiales de xamón
Cockagee, Keeved Cider, 2012 (Mark Jenkinson)/ 2012 Roter Trieter mit Boskoop (ApfelWeinsommelier Michael Stöckl) / Españar (Llagar El Gobernador)
Menu 1: Callos de bacalláu con pil pil llixeru, augua de pimientos y cebollete.
Sidra Espumosa Panizales. (Llagar Panizales) / Pomarina (Llagar El Gaitero) / Byhur 24 (Llagar Astarbe)
Menú 2: Cabritin guisáu d’El Sueve con patatatinos
1º.- Picu Urriellu (Llagar Zarracina) / Poma Aurea (Llagar Trabanco) / Brut Viuda de Angelón (Llagar Viuda de Angelón).
2º.- Emilio Martínez (Llagar El Gobernador) / Sidra Brut Nature Guzman Riestra (Llagar Riestra)
Postre: Xeláu de trufa con crema maíz y augua de mazana
Sidra de Pera. (Llagar Viuda de Angelón) / Cidre Cuvée Chataigne (Llagar Kystin)
Sidre de Xelu Panizales. (Llagar Panizales)
Café
Aguardiente fresco de sidra. Alquitara del Obispo. / Aguardiente envejecido en roble. Salvador del Obispo.
No hay comentarios
Publicar un comentario